काठमाडौं । सरकारले रिक्त रहेका २० देशमा राजदूत नियुक्तिको सिफारिस गरेको छ ।

निकै नै महत्वपूर्ण मानिएको चीनको लागि माओवादी कोटाबाट बिष्णुपुकार श्रेष्ठको नाम नियुक्तिको लागि सिफारिस गरिएको छ ।

ससदीय सुनुवाई प्रक्रिया पुरा भएर सम्बन्धित देशबाट एग्रिमो आएपछि राष्ट्रपतिले राजदूत नियुक्त गर्ने व्यवस्था छ । २० जना राजदूतमा १२ जना राजनीतिक दलको कोटाबाट र ८ जना परराष्ट्र मन्त्रालयबाट छन् ।

सरकारले राजनीतिक दलको कोटाबाट दानबहादुर तामाङ, दक्षिण अफ्रिका। शर्मिला पराजुली ढकाल, स्पेन बासुदेव मिश्र, श्रीलंका,मिलन तुलाधर, रसिया कैलाश पोखरेल, अस्ट्रेलिया,डिल्लीराज पौडेल, मलेसिया,शान्ता रिजाल, इजराइल,जेपी प्याकुरेल, दक्षिण कोरिया,प्राडा रामसुरज राय यादव, डेनमार्क नवराज सुवेदी, साउदी अरबको लागि नियुक्त गरेको छ ।

मन्त्रालयको कोटाबाट नरेश विक्रम ढकाल,घनश्याम भण्डारी,हरिशचन्द्र घिमिरे,डोरनाथ अर्याल,सुशीलकुमार लम्साल,भरतकुमार रेग्मी,निर्मलराज काफ्ले,दुर्गाबहादुर सुवेदी र तिर्थराज वाग्ले रहेका छन् ।