काठमाडौं । बागमती प्रदेशमा नेकपा माओवादी केन्द्रका नेता शालिकराम जमरकट्टेललाई मुख्यमन्त्री बनाउन प्रचण्डले पहल थालेका छन् । उनले सुदूरपश्चिममा नेकपा एकीकृत समाजवादी पार्टीलाई मुख्यमन्त्री छाडेर बागमतीमा जमरकट्टेललाई बनाउन पहल थालेका हुन् ।

आज धनगढी पुगेका प्रचण्डले नेकपा एसका अध्यक्ष माधवकुमार नेपाललाई सुदुरपश्चिममा मुख्यमन्त्री छाडेमा सुदूरपश्चिम छाड्ने जवाफ दिएको खुलासा गरेका हुन् । उनले यसो भनेसँगै बागमतीमा माओवादीले मुख्यमन्त्री लिन खोजेको सन्देश गइसकेको छ ।

गठबन्धन दलबीच सहमति अनुसार बागमती प्रदेशका नेपाली काँग्रेस संसदीय दलका नेता इन्द्र बाँनिया मुख्यमन्त्री बन्नुपर्ने थियो । तर, अहिलेसम्म मुख्यमन्त्री राजेन्द्र पाण्डेले पद छाड्न मानेका छैनन् ।

सुदूरपश्चिम प्रदेश प्रधानमन्त्री शेरबहादुर देउवाको गृहक्षेत्र हो । देउवाले त्यहाँ काँग्रेसबाट मुख्यमन्त्री बनाउन चाहेको बुझिएको छ । अहिले माओवादीबाट त्रीलोचन भट्ट सुदूरपश्चिमका मुख्यमन्त्री छन् । भट्टको ठाउँमा काँग्रेसबाट मुख्यमन्त्री ल्याउने प्रयास चलिरहेको बुझिएको छ ।