६ जेष्ठ २०७९, शुक्रबार
Follow Us

महंगोमा खरिद गरिन् काजोलले दुईवटा फ्ल्याट

mukunda500.dhungana@gmail.com' rastriyakhabar
८ फाल्गुन २०७८, आईतवार ०६:००

एजेन्सी । बलिउड अभिनेत्री काजोल आफ्नो सम्पत्तिलाई लिएर चर्चामा छिन् । उनले मुम्बईको जुहुमा रहेको ‘अनन्या’ भवनमा दुईवटा फ्ल्याट खरिद गरेकी छिन् । यी फ्ल्याटको मूल्य करोडौं रुपैयाँ पर्छ । दिग्गज अभिनेत्रीले यी दुवै फ्ल्याट यसै वर्ष जनवरीमा किनेकी थिइन् । पति अजय देवगन र काजोल बस्ने बंगला ’शिव शक्ति’ बाट नयाँ किनेको ’अनन्या’ भवन नजिकै पर्छ ।

उनको फ्ल्याट १०औं तलामा छ । रिपोर्टका अनुसार काजोलको दुई फ्ल्याटको मूल्य करिब ११ करोड ९५ लाख रुपैयाँ रहेको छ । यी दुवै सम्पत्तिको कागजमा काजोलको हस्ताक्षर छ । अभिनेत्रीले यस वर्ष जनवरीमा आफ्नो फ्ल्याटको लागि भुक्तानी गरेकी थिइन् ।

दुवै फ्ल्याटको क्षेत्रफल २ हजार स्क्वायर फिटमा फैलिएको छ । उनी छिट्टै फिल्म सलाम भेन्कीमा देखिन भएकी छिन् । चलचित्रलाई उत्कृष्ट अभिनेत्रीबाट निर्देशक बनेकी रेवतीले निर्देशन गरेकी हुन् । यी दुई पावर हाउस अभिनेत्रीको यो पहिलो जुगलबन्दी हो । यसअघि काजोलले सामाजिक सञ्जालमार्फत फिल्मको बारेमा जानकारी दिएकी थिइन् ।

सलाम भेन्कीलाई सुरज सिंह, श्रद्धा अग्रवाल र वर्षा कुक्रेजाले निर्माण गरेका हुन् । चलचित्रको कथा सत्य घटना र पात्रबाट प्रेरित छ । सलाम भेन्कीमा, काजोलले चुनौतीपूर्ण परिस्थितिहरू सामना गर्ने आमाको भूमिका निर्वाह गरेकी छिन्। काजोलको अन्तिम फिल्म त्रिभाङ हो, जुन नेटफ्लिक्समा रिलिज भएको थियो । यो फिल्म अजय देवगनले निर्माण गरेका थिए र उनले यस फिल्मबाट निर्माताको रूपमा आफ्नो ओटीटी डेब्यू पनि गरेका थिए।

प्रतिक्रिया