दाङ । दोलखाको मेलुग गाउँ पालिका डाडाखर्क ५  कार्तिके थामी बस्तीमा रहेको थामी बाल सिकाइ केन्द्रमा रहेको ५८ जना बालबालिका र शिक्षकको लागि  ब्याग, डायरी,  न्यानो कपडा ,टोपी , स्टेसनरी ,खेलकुद सामग्री स्वास्थ सामग्री माक्स लगायतका शैक्षिक सामग्री किवानिस ह्यापी नेपालले सहयोग गरेको छ  । किवानिस ह्यापी नेपालको पहलमा उनीहरुलाई शैक्षिक सामग्री सहयोग गरिएको हो ।

किवानिस ह्यापी नेपाल यस अघि पनि यस्ता सहयोग गर्दै आइरहेको छ । बालबालिकाहरुको पठन–पाठनमा कुनै असर नगरोस् भनी शैक्षिक सामग्री वितरण गर्दै आएको संस्थाका अध्यक्ष प्रमिला लामिछानेले बताईन् । उनले धेरै पहिलादेखि यस्ता विद्यार्थीहरुलाई सहयोग गर्दै आएको बताईन् । त्यस्तै कार्यक्रममा समाजसेवी लामिछानेले आर्थिक अभाबकै कारण कुनै पनि विद्यार्थी पठन–पाठनबाट बञ्चित नहोस् भनि सहयोग गरेको बताइन । आगामी दिनमा पनि यस्ता सहयोगलाई निरन्तरता दिने बताइन  ।