काठमाडौं । नेपालमा २४ घन्टाको अवधिमा ४ हजार १ सय ७ जना कोरोना भाइरस संक्रमित थपिएका छन् भने ३५ जनाको मृत्यु भएको छ ।

पछिल्लो २४ घन्टामा देशभर ११ हजार ३ सय ५४ आरटी पिसिआर र ४ हजार ९ सय ४४ एन्टिजेन गरी कुल १६ हजार २ सय ९८ जनामा परीक्षण गरिएकोमा ४ हजार १ सय ७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार बुधबार देशभरबाट १ हजार ५ सय ३५ जना कोरोना संक्रमणमुक्त भएर फर्किएका छन् । योसँगै कोरोना जितेर फर्कनेको संख्या ६ लाख ६१ हजार ६ सय ५१ पुगेको छ ।

पछिल्लो २४ घन्टाको अवधिमा ३५ जनाको संक्रमणबाट मृत्यु भएको भएको छ । योसँगै हालसम्म मृत्यु हुनेको संख्या ९ हजार ९ सय ५७ पुगेको छ ।