rastriyakhabar
काठमाडौं । काठमाडौंको कलंकीमा ब्रेक फेल भएको ट्रकले दर्जन सवारी साधनलाई ठक्कर दिँदा एकजनाको मृत्यु भएको छ ।
घटनास्थलमै मृत्यु भएका पुरुषको सनाखत हुन सकेको छैन । थानकोटबाट कलंकीतर्फ आउँदै गरेको प्रदेश २ ०३००१ ख १४२० ट्रक कलंकीको कालिका पेट्रोल पम्प नजिक ब्रेक फेल हुँदा यातायात साधनहरुलाई ठक्कर दिएको ट्राफिक प्रहरीले जानकारी दिएको छ ।
दुर्घटनामा अरु ६ जना घाइते भएका छन् । जसमध्ये ३ जनाको अवस्था गम्भीर छ ।
ट्राफिक प्रहरी महाशाखाका प्रमुख एसएसपी जनक भट्टराईका अनुसार, ब्रेक फेल भएको ट्रकको ठक्करबाट एउटा घरमा समेत क्षति पुर्याएको छ ।
प्रतिक्रिया