rastriyakhabar
काठमाडौं । काठमाडौं उपत्यकामा कोरोना संक्रमण तीव्र रुपमा बढेको छ । स्वास्थ्य तथा जनसंख्या मन्त्रालयका अनुसार सोमबार काठमाडौं उपत्यकाका ५४ जनामा संक्रमण पुष्टि भएको हो ।
संक्रमितमध्ये काठमाडौंमा २४ जना, ललितपुरमा २० जना र भक्तपुरमा १० जना हुन् ।
काठमाडौंका संक्रमितहरु कपन, महाराजगञ्ज र चाबहिलको रहेको इपिडिमियोलोजी तथा रोग नियन्त्रण महाशाखाले जनाएको छ । यस्तै, भक्तपुरको चाँगुनारायण र ललितपुरको महालक्ष्मीस्थान, सुनाकोठी, थैब, गोदावरी, हात्तीवन, चापागाउँ, हरिसिद्धिलगायतका स्थानमा रहेका छन् ।
महाशाखाले प्रयोगशालाका आएको ठेगानाका आधारमा संक्रमितसँग सम्पर्क गरिरहेका बताएको छ ।
प्रतिक्रिया