अस्पतालका सुचना अधिकृत लक्ष्मीराज रेग्मीका अनुसार रुपन्देही जिल्ला मालपोत कार्यालयले ०५१ सालमा अस्पताललाई कुल ८ बिघा ४ कठ्ठा ९ धुर जग्गा धनी पुर्जा दिएको थियो । ०५२ सालपछि अस्पतालको जग्गा फेरि नापनक्सा गरी मालपोतले ६ बिघा ७ कठ्ठा १६ धुरको मात्र धनि पुर्जा दिएको थियो । अस्पतालको जग्गा खोजीनीति र संरक्षण गर्ने क्रममा ०६८ सालमा अस्पताल प्रशासनले फेरि नापनक्सा गराई हराएको जग्गा खोजिदिन मालपोतलाई ध्यानाकर्षण गराएको थियो । मालपोतले बेवास्ता गरेपछि केही दिनअघि अस्पतालले मालपोतलाई फेरि पत्र लेखी ध्यानाकर्षण गराएको छ । मालपोतले अस्पतालको ०५१ सालको धनी पुर्जाबमोजिम जग्गा खोजी गर्न तयार रहेको बताए पनि काम नभएको सूचना अधिकृत रेग्मीले बताए । आजको अन्नपूर्ण पोस्ट्मा खबर छ ।