पर्सा । कोरोना महामारी नियन्त्रणका लागि प्रदेश र केन्द्र सरकारले जनआपेक्षा काम नगरेको भन्दै विरोधमा उत्रिएका नेपाल विद्यार्थी संघका कार्यकर्ता पक्राउ परेका छन् ।

विरोधमा उत्रिएका नेविसंघ पर्साका अध्यक्षसहित ६ जना नेता कार्यकर्तालाई प्रहरीले नियन्त्रणमा लिएको हो । उनीहरुलाई जिल्ला प्रहरी कार्यालयमा राखिएको पर्साका प्रहरी नायब उपरीक्षक मनोजित कुँवरले बताए ।

पक्राउ पर्नेमा नेविसंघ जिल्ला अध्यक्ष विकास तिवारी, उपाध्यक्ष शेष हजारा, ठाकुरराम बहुमुखी क्याम्पस इकाई अध्यक्ष मनोज साह, जिल्ला सहसचिव रमेश यादव, पूर्वप्रदेश समिति सदस्य अभय कर्ण र श्याम गुप्ता रहेका छन् । उनीहरु लगायतका नेता कार्यकर्ताले लकडाउनको समयमा कोरोना संक्रमण फैलन सक्ने गरी नाराजुलुस गरेकाले नियन्त्रणमा लिएको प्रहरीले बताएको छ ।