मंसिर ५ गतेलाई प्रदर्शन मिति तय गरेको चलचित्र ‘श्री ५ अम्बरे’ले प्रचारलाई अग्रता दिएको छ । दीपा बस्नेतको निर्देशनमा तयार भएको यो सिनेमाले समाजसमा राजा बन्न चाहने एक व्यक्तीको कथा बोल्छ । यो चलचित्रको शिर्ष भूमिकामा कलाकार सौगात मल्लको अभिनय छ ।
साथमा मोडल तथा नायिकाद्धय केकी अधिकारी र प्रियंका कार्कीले पनि सौगातलाई साथ दिनेछन् । चलचित्रमा विक्रम सिंह, श्रृजना अधिकारी, यमबुद्ध दिवाज, मार्टिन खान, राज गोदालीको पनि अभिनय छ । चलचित्रलाई अभिमन्यू निरवीले लेखेका हुन् ।
यो चलचित्र जीवनसाथी फिल्मस्को ब्यानरमा बनेको तेश्रो सिनेमा हो । चन्दन दत्तको सम्पादन, गणेश श्रेष्ठको छायांकन रहेको सिनेमामा टीएन आचार्य र दीपक आचार्यको लगानी छ ।