अक्सर खानपिनका कुरा ताजा राख्ने फ्रिजमा कतिपय खानेकुरा भने बिग्रने गर्दछन् । ति खानेकुरा फ्रिजमा बिग्रिने मात्रै होइन, स्वास्थ्यका लागि समेत हानिकारक हुन्छन् । के के हुन् त फ्रिजमा राख्न नहुने खानेकुराहरु :

केरा

केरा विग्रन लाग्यो भनेर फ्रिजमा राख्न खोज्दै हुनुहुन्छ भने ख्याल गर्नुस् । केरालाई फ्रिजमा राख्दा बोक्रा कालो हुने र बिग्रने हुन्छ

टमाटर

हामीले जानेर वा अनजानमा टमाटर (गोलभेडा)लाई फ्रिज राख्ने गर्दछौ । तर फ्रिजमा राखेको टमाटरले यसको स्वाद बिगार्ने गर्दछ । फ्रिजमा हुने चिसोले टमाटरको भित्री झिल्ली फुट्छ र मुलायम हुन्छ ।

तुलसीको पात
लामो समयसम्म हरीयो वा ताजा राख्न तुलसिको पात फ्रिजमा राखिन्छ । तर फ्रिजमा राखिएको तुलसिको पातले फ्रिजका अरु खानेकुराको सुगन्ध सोस्ने गर्दछ । अझ ति खानेकुरामा समेत तुलसीको सुगन्ध आउने गर्दछ । जसले गर्दा अरु खानेकुराको मौलिकस्वाद हराउने गर्दछ ।

आलु
आलुलाई सकेसम्म फ्रिजमा राख्नुहुदैन । फ्रिजमा भएको चिसोले आलुको स्टार्च सुगरमा बदलिन्छ । जसले रोग निम्त्याउने गर्दछ । केहि गरी आलुलाई फ्रिजमा राख्नुपरे पेपर ब्यागमा हालेर मात्र राख्नु पर्दछ ।

लसुन प्याज
लसुन र प्याज समेत फ्रिजमा राख्नु हुदैन । अन्यथा आलुको जस्तै लसुन र प्याजमा समस्या हुने गर्दछ । लसुन र प्याजलाई चिसो र अ“ध्यारो स्थान राखे यो लामो समयसम्म टिक्ने गर्दछ ।

जैतुनको तेल
जैतुनको तेललाई फ्रिजमा राख्नुहुदैन । अन्यथा फ्रिजको चिसोले तेलको तापमान कम गराई मही जस्तै गाढा हुने गर्दछ ।

रोटी
कतिपय हामी रोटिलाई टिकाई राख्न फ्रिजमा राख्ने गर्दछौ । तर खराब नहोस् भनेर फ्रिजमा राखिएको रोटि सुक्ने तथा यसमा भएको तत्व गुमेर जाने गर्दछ ।

कफी
कफीलाई कहिल्यै फ्रिजमा राख्नुहुदैन । कफि फ्रिजमा राख्दा यसको स्वाद बिग्रने मात्रै होइन, यसको स्वाद फ्रिजमा राखिएको अरु खानेकुरामा समेत मिसिएर आउन थाल्दछ ।

मह
महलाई भुलेर पनि फ्रिजमा राख्नुहुदैन । अन्यत्र राखेपनी यसलाई कुनै डब्बा वा सिसिमा हालेर पातलो प्लाष्टिकले बेरेर राख्नुपर्छ । अन्यथा फ्रिजमा राखिएको मह क्रिस्टलमा परीणत हुन्छ ।

अचार
अचारलाई कहिल्यै फ्रिजमा राख्नु हुदैन । अचारमा हुने भिनेगारले अरु खानेकुराको समेत स्वाद बिर्गाने गर्दछ । अचारलाई बाहिर नै चिसो स्थानमा राख्नु उत्तम हुन्छ ।