कास्की । नाटकीय शैलीमा आफू अपहरणमा परेको भन्दै खबर गर्ने एक जनालाई प्रहरीले पक्राउ गरेको छ ।

कास्की पोखरा महानगरपालिका बडा नं ११ फुलबारी बस्ने ४२ वर्षीय नारायण प्रसाद पौडेलले प्रहरीले पक्राउ गरेको हो ।

उनले गत शनिबार दिउँसो आफ” अपहरणमा परेको भन्दै प्रहरीलाई खबर गरेका थिए । उनले दिएको सूचनाको आधारमा अपहरणकारीको खोजतलास तथा निजको उद्दारको लागि तत्काल प्रहरी परिचालन गरिएको थियो ।

प्रहरी अनुसन्धानका क्रममा उनलाई कसैले अपहरण गरेको नभई लेनदेनको बिषयलाई लिएर आफ्नो बिपक्षीलाई फसाउन नाटक रचेको खुल्न आएको प्रहरीले जनाएको छ ।

पक्राउ परेका पौडेलविरुद्ध कानूनी प्रकृया अघि बढाइएको प्रहरीले जनाएको छ ।