शनिबार सम्पन्न भएको ‘एनएफडीसी राष्ट्रिय चलचित्र पुरस्कार’मा अवार्ड पाउने कलाकारहरु खुशी छन् । नपाउनेहरुले पनि अहिलेसम्म गुनासो गरेको सुनिएको छैन । तर, आर्मी अफिसर्स क्लबमा प्रवेश गर्न भने कलाकारहरुलाई केही गाह्रो भयो ।

सबै कलाकारको हातमा प्रवेश पास नपुगेका कारण पनि चलेका कलाकारले मुख्य गेटमै भनाभन गर्नुपर्‍यो । कलाकार निलु डोेल्मासँग सेक्सी पहिरन लगाएर, उच्च मेकअपको साथमा आएकी नायिका प्रियंका कार्की गेटमै लामो समय अडि्कइन् । आयोजकले फोनमा मात्र बोलाएका कारणले पनि प्रियंकाको साथमा प्रवेश पास थिएन । गेटमा कलाकारको पास चेक गर्न बसेका आयोजकतर्फका एक व्यक्तीले पनि प्रियंकालाई ‘चिन्दिन’ भनेपछि केहीबेर भनाभन नै भयो । प्रियंकाले आफूलाई फोनमा बोलाएको र पास यही छ भनेको जवाफ फर्काउँदा पनि गेटमा बसेका यूवकले उनलाई प्रवेश दिएनन् । नायिका कार्की जसोतसो कार्यक्रम स्थानमा पुगिन् । तर उनको मनमा खिन्नता देखिएको थियो । कुनै पनि अवार्ड समारोहमा आउने चर्चित कलाकारले नै मुख्य गेटमा यस्तो व्यवहार सहनु पर्दा नरमाइलो त पक्कै हुन्छ नि । आयोजकले कि त पास पुर्‍याउनु पर्ने हो कि त कलाकारलाई सहजै प्रवेशको व्यवस्था मिलाइदिनुपर्ने हो । तर यस्तो कुरामा ध्यान नदिदा कलाकारकै अपहेलना हुन्छ भन्ने कुरा सबैले वुझ्न जरुरी छ । पास नभएकै कारण थुप्रै चल्तीका कलाकार गेटबाटै फर्केको समेत भेटियो