काठमाडौं । नेपाली राष्ट्रिय फुटबल टोलीले कतारमा हुने २०२२ विश्वकपको दोस्रो चरण छनोट अन्तरगत समूहको दोस्रो खेलमा मंगलबार चाइनिज ताइपेइको सामना गर्दैछ । नेपाल र ताइपेइबीचको खेल नेपाली समयअनुसार साँझ ५ बजे सुरु हुनेछ ।

ताइपेइसँगको खेलका लागि नेपाली राष्ट्रिय टोली आइतबार विहान ताइपेइ पुगेको थियो ।

अघिल्लो खेलमा कुवेतसँग ७–० गोल अन्तरले पराजित भएको टोली जित्ने लक्ष्यकासाथ ताइपेइ पुगेका छन् । यसअघि नेपाल र ताइपेइबीच भएको मैत्रीपूर्ण खेलमा १–१ गोलको बराबरी भएको थियो ।

यसैगरी पहिलो खेलमा ताइपेइ घरेलु मैदानमा जोर्डनसँग २–१ को पाराजित भएको थियो । मंगलबार नै कुवेतको मैदानमा अष्ट्रेलिया र कुवेतबीचको खेल हुनेछ ।