राष्ट्रिय खबर
भक्तपुर, २० भाद्र । परीक्षा नियन्त्रण कार्यालय सानोथिमिले एसएलसी पूरक (मौका) परीक्षाको परीक्षाफल आगामी एकसाताभित्र सार्वजनिक गर्ने भएको छ ।विसं २०७० को एसएलसी परीक्षामा बढीमा दुई विषयसम्म अनुत्तीर्ण हुने परीक्षार्थीका लागि सञ्चालन गरिएको मौका परीक्षाको परीक्षाफल आगामी एकसाताभित्र सार्वजनिक गर्ने तयारी गरेको परीक्षा नियन्त्रक बिष्णुबहादुर द्वारेले जानकारी दिनुभयो ।
एसएलसीको पूरक परीक्षामा सहभागी भएका परीक्षार्थीले यसै वर्ष उच्च शिक्षा अध्ययन गर्न अवसर प्रदान गर्ने गरी एसएलसी पूरक परीक्षाको परीक्षाफल सार्वजनिक गर्ने तयारी गरेको हो ।
परीक्षार्थीको उत्तरपुस्तिका परीक्षण गरी कोडिङ गर्ने काम अन्तिम चरणमा पुगेको बताइएको छ ।
यस पटक परीक्षामा कुल एक लाख २० हजार ६२७ जना परीक्षार्थी सहभागी भएका थिए । रासस
प्रतिक्रिया