काठमाडौं । बोष्टर मिडियाले आयोजना गरेको नयाँ बर्ष २०७६ सालको शुभकामना आदान-प्रदान तथा नेकापा जिल्ला काठमाडौंका अध्यक्ष मानानीय कृष्ण राईलाई बधाई कार्यक्रम भब्य रुपमा सम्पन्न गरेको छ ।

बोष्टर मिडियाका अध्यक्ष मुकुन्द ढुंगानाको सभापतित्वमा भएको कार्यक्रममा संयोजक भवानी प्रसाद पौडेल रहनुभएको थियो । कार्यक्रममा विभिन्न राजनीति दलका प्रतिनिधिहरु,समाजसेवी,पत्रकारको उपस्थितिमा काठमाडौं जिल्ला अध्यक्ष राईलाई बधाई तथा सफल कार्यकालको लागि सहभागीले सुभकामना ब्यक्त गरेका थिए।

नेपाल कम्युनिस्ट पार्टी नेकपाको सचिवालय बैठकले ७७ वटै जिल्ला कमिटीको अध्यक्ष र सचिवको टुंगो लगाए संगै काठमाडौं जिल्ला अध्यक्षमा कृष्ण राई र सचिवमा हिमाल शर्मा चयन गरिएकाे थियो । कार्यक्रममा बोष्टर मिडियाका सल्लाकार सिता थापा भट्टराईले ढाका टोपी र खादा लगाएर राई लाई स्वागत गर्नुभएको थियो।

कार्यक्रम जया मल्टिपलको प्राङ्गणमा सम्पन्न भएको थियो भने कार्यक्रमको संचालन देबी प्रसाद घिमिरेले गर्नुभएको थियो ।

को हुन् कृष्ण राई ?
नेपाल कम्युनिस्ट पार्टी नेकपाको अध्यक्ष कृष्णबहादुर राईको जन्म २०२७ सालको भदौ ३ गते काठमाडौंको जोरपाटीमा भएको हो । उनले पत्रकारिता र राजनीतिक शास्त्रमा स्नातक गरेका छन् ।

२०४२ सालमा अखिल पाँचौमा आवद्ध हुँदै राजनीतिमा लागेका लागेका राई काठमाडौंको जोरपाटीमा एमालेको विशेष प्रारम्भिक कमिटी सदस्य भएका थिए । २०४६ सालको जनआन्दोलनमा उत्तरपूर्वि भेगको आन्दोलनको नेतृत्व गरेका राईले २०४७ सालमा पार्टीको संगठित सदस्यता प्राप्त गर्न सफल भएका थिए ।

दुई पटक गाउँ कमिटीको अध्यक्ष भएका राई २०५१ सालमा विशेष जिल्ला कमिटीको सदस्य रहेका थिए । २०५४ सालमा जोरपाटीको गाविस उपाध्यक्ष भएका राई त्यसपछि निरन्तर पार्टीको जिल्ला सदस्य भएका हुन् । २०६७ सालमा जिल्ला कमिटीको उपाध्यक्ष भएका थिए।

२०७२ सालमा कार्यवाहक अध्यक्ष भएका राई त्यसपछि अध्यक्ष भए ।
नेपाल कम्युनिस्ट पार्टी नेकपाको केहि महिना अगाडी केन्द्रीय भएका राई हाल प्रतिनिधि सभा सदस्य र पुन नेपाल कम्युनिस्ट पार्टी नेकपाको काठमाडौं जिल्ला अध्यक्षको जिम्मेवारीमा छन् ।