जनकपुरधाम –धनुषाको जनकपुर उपमहानगरपालिका कुवारामपुरमा करेन्ट लागेर मोटरसाइकलमा सवार दुई जनाको मृत्यु भएको छ।  एकजना घाइते भएका छन्।

मृत्यु हुनेमा सिरहाको विष्णपुरा गाउँपालिका-४ का करिब ३२ वर्षीय जगरनाथ साह र धनुषाको मिथिला विहारी नगरपालिकाका-३ का २८ वर्षीय प्रमेश्वर मण्डल रहेकाे जिल्ला प्रहरी कार्यालय धनुषाका एसपी गोविन्द थपलियाले जानकारी दिए।

कटेन्ट लागेर  जनकपुर उपमहानगरपालिका-४ का ४१ वर्षीय सूर्यनारायण शर्मा गम्भीर घाइते छन्। उनको जनकपुर अञ्चल अस्पतालमा उपचार भइरहेको प्रहरीले जनाएको छ। 

धुलाम्य सडकमा चिप्लिएर मोटरसाइकलमा सवार जगरनाथ नजिकैको बिजुलीको पोलमा उछिटिएर पुगेका थिए। घाइते भएका उनलाई विद्युती पोललाई अड्याउन जमिनमा गाडिएको तारबाट करेन्ट लागेको थियो। 

‘बचाऊ बचाऊ..’ भनेर गुहार मागी रहेका उनलाई बचाउन गएका अर्का मोटरसाइल यात्री प्रमेश्वरलाई पनि करेन्ट लागेको हाे ।