काठमाडौं । पछिल्लो समय अमेरिका र चीन ५जी सेवा कसले पहिला ल्याउने भन्नेबारे प्रतिस्पर्धाको क्रममा रहेका छन् । यस्तोमा फिनल्याण्ड अब उनीहरुलाई चुनौती दिने मुलुकको रुपमा उदाउँदैछ।

फिनल्याण्डको दूरसञ्चार कम्पनी नोकियाको सेयर सन् २०१८ मा झण्डै ३० प्रतिशतले बढ्यो । जसको प्रमुख कारण दुई अक्षर थियो – ५जी । यद्यपि अझै पनि नोकियाको सेयर कुनै समयमा विश्वको सबैभन्दा ठुलो मोबाइल बिक्रेता हुँदाको तुलनामा भने निकै कमजोर छ ।

पछिल्लो समय नोकिया सेयरमा सुधारको लय समातिरहेको छ । जसको लागि ५जी उपकरण र सफ्टवेयरले सेयरमा सुधारको लागि सहयोग गेरेको हो । नोकियाको यस किसिमको प्रयासले विश्वभरमा नै फिनल्याण्ड पाँचौं पुस्ताको इन्टरनेट सेवामा अन्य मुलुकहरुलाई चुनौती दिनसक्ने अवस्थामा देखिएको छ ।