धनुषा – ट्याक्टर चोरेर भाग्दै गरेका एकजना ढल्केबरबाट प्रहरीको फन्दामा परेका छन् । ट्याक्टरसहित पक्राउ पर्नेमा धनुषाको मिथिला नगरपालिका ४ बस्ने वर्ष १८ का रामकुमार सहनी रहेको इलाका प्रहरी कार्यालय ढल्केवरले जनाएको छ ।

जनकपुरधाम उपमहानगरपालिका १४ मुजेलिया बस्ने जयनाथ साहले जनकपुरको बागवानीमा सञ्चालन गरेको बालुवा गिट्टीको डिपोमा राखेको ना १ त ५८८६ नम्बरको ट्याक्टर राति बुधबार राति चोरी गरेको प्रहरीले बताएको छ ।

गस्तीमा रहेका प्रहरीले ट्याक्टर रोकेर चेकजाँच गर्दा चोरीको ट्याक्टर ठहरिएको प्रहरीले जनाएको छ । ट्याक्टरको साँचो डिपोमै काम गर्ने एकजना कामदारले दिएपछि चोरी गरेर भागेको सहनीले प्रहरी समक्ष बयान दिएका छन् ।