काठमाडौं । काठमाडौंको चक्रपथ सरसफाई महा- अभियानले ८९ औं हप्ता पार गरेको छ ।

काठमाडौंको वसुन्धरामा रहेको ग्रीनसिटी हस्पिटलका अध्यक्ष लोकवहादुर टण्डनले अगुवाई गरेको चक्रपथ सरसफाई महा-अभियानले शनिवारदेखि ८९ औं हप्ता पुरा गरेको हो ।

प्रत्येक हप्ता शनिबार बिहान ७ :३० देखि ९ बजे सम्म फोहर संकलन अभियानमा काठमाडौ ग्रिनसिटी अस्पताल, यतिहेल्थ साइन्स एकेडेमी, पत्रकार ,कलाकार , प्रहरी सशस्त्र प्रहरी , नेपाली सेनाको समेत सहभागिता हुने गरेको छ । बिभिन्न संघसंस्थाको सहयोगमा स्वतःस्फूर्त रुपमा सरसफाई अभियान सञ्चालन हुदै आएको छ ।

फोहर उठाउदै जाने अनि सोही क्षेत्रका नागरिकहरुले यत्रतत्र फोहर फाल्न भने छाडेका छैनन ग्रिनसिटी अस्पतालको सयोजनमा प्रारंभ गरिएको सफाई अभियानबाट ८९ औ हप्तामा १० टन फोहोर संकलन गरियो भने ३५० जनाको सहभागिता रहेको थियो ।