गजल

कपिल ज्ञवाली ‘जिज्ञासु’

तीज आयो माईतीघर आउंदिनौ र दिदी ?
चुरा,पोते,सारी, श्रीफुल लाउंदिनौ र दिदी ?

चेलिबेटी बटुल्ने यो चाड आयो हेर ,
सधै घर छुट्टी कैले पाउंदीनौ र दिदी?

अघिपछि आफै ब्यस्त हुनुपर्छ हेर,
मनराख्न माईतीको धाउंदिनौ र दिदी ?

चौतारीमा चेलीबेटी छमछमी नाच्दाखेरी,
गीत बनाई बेदनाका गाउंदिनौ र दिदी ?

आउने जाने चहलपहल अघिपछि भन्दा,
तिमी किन एकान्तमा रमाउंदिनौ र दिदी ?

बुधबार, भदौ ११, २०७१ मा प्रकाशित

सम्बन्धित सामाग्री

ताजा समाचार

हामीसँग Facebook मा जोडिनुहोस्