हातमा निम्तो थमाउँदै सम्झिएर जान्छन (१२ मुक्तक)

1)
आउँछन धोका दिनेहरु दिएर जान्छन ।।
केहि छोडेर जान्छन केहि लिएर जान्छन ।।
हिजो अस्ति जन्मौ जन्म छुट्ने छैनौ भन्ने पनि।।
हातमा निम्तो थमाउँदै सम्झिएर जान्छन ।।
-सहयात्रि सुरेन्द्र भण्डारी
कैलाली
2)
बिश्वास गर्नु तिम्रो नि यस्तो दिन हुनेछ
जस्तो पानीबिनाको पोखरी अर्थहिन हुनेछ
ठोकुवा नै लगाएर भन्नसक्छु मैले
म बिना त तिम्रो जिबन नि कठिन हुनेछ
अस्मिता भट्टराई
देबदह, रुपन्देही
3)
न त तिम्रो याद खिएर जान्छ
न त अरु तिर पन्छिएर जान्छ
भुलाउँन तिमीलाई जती नशा पिउँछु
नशा सँगै माया झाँगिएर जान्छ
कुशल कार्कि
बिराटनगर-१०
4)
सङगत त आँखा र आँशु जस्तो होस।
दुनियाले देख्दा हाँसु हाँसु जस्तो होस।
जे जस्तो परे पनि कहिल्यै अलक नहुने।
सम्बन्ध त नङ र मासु जस्तो होस।।
राष्ट्रराज कार्की कार्की वाडा मुगु गमगढी
5)
बल्झाउँछ याद आँखा भरि भल बनाउँछ॥
मुटु दुखाउँछ मन जलाउँछ घायल बनाउँछ॥
साँच्चै कति अनौठो छ यो प्रेम भन्ने चिज,
एउटा सद्दे मान्छेलाई नि पागल बनाउँछ।।
प्रदिप खनाल, अर्घाखाँची।
6)
आफैलाई नोक्सान थियो आफ्नै सम्झेर ।
जस्तो कि पुतलीले दियो आफ्नै सम्झेर ।
आज बिर्सनु भन्ने आदेश आएको छ ,
जसलाई मुटुमा राखियो आफ्नै सम्झेर ।
@ अर्याल कृष्ण ‘अथवा’ आँपचौर 7 गुल्मी ,हाल देवघाटधाम
7)
यो दिलमा ठूलै हलचल चलाएर जान्छ
रेटिन्छ मुटु, शरिर गलाएर जान्छ
यो याद पनि कति बैगुनी हुदो रै’छ,
न हराउँछ कहिल्यै, न जलाएर जान्छ
{Bishnu Bikram Sen Oli, Ghorahi Dang}
8)
मच्चाउदै भाडभैलो चर्चित हुन्छन कोही
उघारेर दिलको दैलो चर्चित हून्छन कोही
भरीएको भए कीन छचल्किन्थ्यो यति धेरै
आधा ज्ञानको हल्लाइ घैलो चर्चित हून्छन कोही
नगेन्द्र न्यौपाने ओझेल
जुरोपानी-९
झापा
हाल-साउदी अरब
9)
स्वच्छ सफा निस्चल अनी पवित्र बनाईदीन्छ,
सबै कुरा एउटै संसार भित्र बनाईदीन्छ,
यही त छ रेडीयो को एउटा गुण,
नदेखेनी एक अर्कालाई मित्र बनाईन्छ,
‘सुगम’श्यामस्वेत जि सी मैदान 5 अर्घाखाँची हाल बुटवल रुपन्देही
10)
साच्चै रेडियोले मेरै, कहानी बताउछ !!
लाग्छ मलाइ जानी हो या नजानि बताउँछ !!
जात भन्छ न औकात भन्छ ,एहि एउटा छ,,
महल छानो सबलाइ एउटै ,ठानि बताउछ!!
सुरेश कुवँर !साँझ!
बझाङ
हाल : तमिलनाडु
11)
न दिनले चिनाउँन सकेको थियो, न बारले चिनाउँन सकेको थियो !!
न त कुनै सोच अनि विचारले चिनाउँन सकेको थियो !!
रेडियोले गर्दा आज म यति धेरै चिनिन पुगे !!
न नामले चिनाउँन सकेको थियो, न अनुहारले चिनाउँन सकेको थियो !!
~खिमा शेर्पाली
रुँघा २ घनखोला रुकुम
12)
पैसा पठाउने छु अनि गहना पठाउने छु!!
र तिम्लाई मिठा मिठा सपना पठाउने छु!!
प्रदेशीको संन्देसहरु नछुटाई सुन्नु तिमी!!
बेला बेला रेडियोमा सम्झना पठाउने छु!!
भुपेन्द्र बि.एम.”क्यानभास”
मुसिकोट नगरपालिका११
लसुनबारी रुकूम
हाल_मलेशिया

सोमवार, फाल्गुन ४, २०७१ मा प्रकाशित

सम्बन्धित सामाग्री

ताजा समाचार

हामीसँग Facebook मा जोडिनुहोस्