काठमाडौं । किमोलुङ फाउण्डेसन नेपालले  कोरोना संक्रमित पत्रकारको लागि केन्द्रीय कार्यालयमा व्यवस्था गरेको आइसोलेसनका लागि स्वास्थ्य सामाग्री प्रदान गरेको छ।

राष्ट्रिय अनलाइन पत्रकार संघको सहकार्यमा किमोलुङ फाउण्डेसन नेपालले  नेपाल पत्रकार महासंघ केन्द्रीय कार्यालय उक्त सामग्री प्रदान गरेको हो। संघका अध्यक्ष मुकुन्द ढुंगाना र फाउण्डेसनका अध्यक्ष वान्ग्चु राप्तेंन लामाले  पत्रकार महासंघका बरिष्ठ उपाध्यक्ष रमेश बिष्ट ,महासचिब रोशन पुरी ,सचिब गोबिन्द चौलागाई ,प्रकास थापा लगाएत केन्द्रीय सदस्यको उपस्थितिमा नेपाल पत्रकार महासंघले कोरोना संक्रमित पत्रकारको लागि केन्द्रीय कार्यालयमा व्यवस्था गरेको आइसोलेसनका लागि किमोलुङ फाउण्डेसन नेपालले मास्क १ हजार पिस, ग्लव ५ सय जोडी, इन्फारेड थर्मोमिटर १ थान, अक्सिमिटर १ थान, फेससिल ५० थान र सेनिटाइजर ५० पिस उपलब्ध गराएको छ ।

विभिन्न संकटमा मानवीय सेवा र सहयोग गर्दै आएको बताउदै लामाले  आगामी दिनमा पनि नेपाल पत्रकार महासंघसँग सहकार्य गर्ने प्रतिवद्धता जनाए। स्वास्थ्य सामाग्री सहयोग गरेकोमा नेपाल पत्रकार महासंघले उक्त सहयोगका लागि किमोलुङ फाउण्डेसन नेपाल धन्यवाद दिएको छ। महासंघले स्वास्थ्य सामग्री कोरोना महामारीमा अग्रभागमा रहेर काम गर्ने पत्रकारलाई प्रदान गरिने जनाएको छ।

उक्त स्वास्थ्य सामग्री सहयोगका लागि सहकार्य गरिदिनुहुने राष्ट्रिय अनलाइन पत्रकार संघका केन्द्रीय अध्यक्ष मुकुन्द ढुंगानालाइ महासंघले बिशेष धन्यवाद ब्यक्त गरेका थिए ।